Orationes, Epistolæ, et Evangelia
per Annum.
Notandum est, quod Oratio
unicuique Dominicæ assignata, vel Festo Vigiliam
vel Primas (quas vocant) Vesperas habenti, ad
Vesperas proxime præcedentes dicenda est.
Dominica Prima Adventus.
Oratio.
DA
nobis, quæsumus, omnipotens Deus, ut abjectis
operibus tenebrarum, induamur arma lucis, in hac
mortali vita, in qua Jesus Christus Filius tuus
cum magna humilitate ad nos visitandos advenit ;
ut in extremo die, quo rediturus est cum gloria Majestatis
suæ ad judicandos vivos et mortuos, resurgamus ad
vitam immortalem.
Per eundem, qui tecum vivit et regnat, in unitate
Spiritus Sancti, per omnia sæcula sæculorum.
Amen.
Hæc Oratio quotidie dicenda est, cum cæteris Orationibus
in Adventu, usque ad Primas Vesperas Nativitatis Domini.
Epistola.
Ad Rom. xiii. 8.
Evangelium.
S. Matt. xxi. 1.
Dominica Secunda Adventus.
Oratio.
BENEDICTE
Domine, qui effecisti ut tota Sacra Scriptura ad nostram
doctrinam scriberetur : Da nobis ita eam audire, legere,
meditari, discere, et intus animo suscipere, ut
per patientiam et consolationem Verbi sancti tui
amplectamur et usque retineamus spem illam beatam
æternæ vitæ, quam dedisti nobis
in Salvatore nostro Jesu Christo.
Amen.
Epistola.
Ad Rom. xv. 4.
Evangelium.
S. Lucæ. xxi. 25.
Dominica Tertia Adventus.
Oratio.
DOMINE
Jesu Christe, qui in primo Adventu tuo nuntium tuum misisti
ad præparandam ante te viam tuam : Da ministris et dispensatoribus
mysteriorum tuorum simili modo ita viam tuam præparare,
convertendo corda incredulorum ad prodentiam justorum, ut cum
Judex mundi iterum adveneris, nos populus tibi acceptus inveniamur.
Qui vivis et regnas cum Patre in unitate Spiritus Sancti Deus,
per omnia sæcula sæculorum.
Amen.
Epistola.
1 ad Cor. iv. 1.
Evangelium.
S. Matt. xi. 2.
Dominica Quarta Adventus.
Oratio.
EXCITA,
quæsumus, Domine, potentiam tuam, et veni,
et magna nobis virtute succurre ; ut, per auxilium
gratiæ tuæ, quod nostra peccata in proposito
certamine præpediunt, indulgentia tuæ
miserationis acceleret.
Per satisfactionem Filii tui Domini nostri, cui tecum,
in unitate Spiritus Sancti, sit honor et gloria,
per omnia sæcula sæculorum.
Amen.
Epistola.
Phil. iv. 4.
Evangelium.
S. Joan. i. 19.
In Die Nativitatis Domini.
Oratio.
OMNIPOTENS
Deus, qui unigenitum Filium tuum nobis dedisti,
ut nostram naturam assumeret, et hoc tempore de pura
Virgine nasceretur ; Præsta, quæsumus,
ut nos regenerati, filiique tui per adoptionem
et gratiam facti, Spiritu Sancto tuo quotidie renovemur.
Per eundem Dominum nostrum Jesum Christum, qui tecum
vivit et regnat in unitate ejusdem Spiritus Sancti Deus,
per omnia sæcula sæculorum.
Amen.
Epistola.
Ad Heb. i. 1.
Evangelium.
S. Joan. i. 1.
In Die Sancti Stephani.
Oratio.
DA
nobis, Domine, quæsumus, ut inter omnia quæ
in terra propter testimonium veritatis tuæ patimur,
in coelum intendentes, gloriam quæ in futuro
revelanda est per fidem intueamur ; et, Spiritu Sancto
repleti, persecutores nostros diligere et benedicere
discamus, exemplo Sancti Stephani Protomartyris tui,
qui pro interfectoribus suis te, Jesu benedicte,
exoravit, qui stas a dextris Dei omnes propter te
patientes adjuturus, unicus Mediator noster et Advocatus.
Amen.
Deinde sequatur Oratio de nativitate, quæ quotidie dicenda est
usque ad primas Vesperas Circumcisionis.
Lectio pro Epistola.
Actu. vii. 55.
Evangelium.
S. Matt. xxiii. 34.
Oratio.
ECCLESIAM tuam,
quæsumus, misericors Domine, benignus illustra,
ut beati Joannis Apostoli tui et Evangelistæ
illuminata doctrinis, ita in veritatis tuæ
lumine ambulet, ut ad vitæ sempiternæ lucem
tandem perveniat.
Per Jesum Christum Dominum nostrum. Amen.
Epistola.
1 S. Joan. i. 1.
Evangelium.
S. Joan. xxi. 19.
DIXIT Jesus Petro,
Sequere me. Conversus Petrus vidit illum discipulum,
quem diligebat Iesus, sequentem, qui et recubuit in coena
super pectus eius, et dixit: Domine, quis est qui tradit te?
Hunc ergo cum vidisset Petrus, dixit Jesu : Domine, hic
autem quid? Dicit ei Jesus : Sic eum volo manere donec
veniam, quid ad te? tu me sequere.
Exiit ergo sermo iste inter fratres, quia discipulus
ille non moritur. Et non dixit ei Jesus : Non moritur,
sed : Sic eum volo manere donec veniam, quid ad te?
Hic est discipulus ille qui testimonium perhibet de his,
et scripsit hæc ; et scimus quia verum est
testimonium eius. Sunt autem et alia multa quæ
fecit Jesus : quæ si scribantur per singula,
nec ipsum arbitror mundum capere posse eos,
qui scribendi sunt, libros.
In Die Innocentium.
Oratio.
OMNIPOTENS
Deus, qui ex ore infantium et lactentium perfecisti laudem,
et parvulos non loquendo sed moriendo te glorificare
voluisti : Omnium in nobis vitiorum mala mortifica,
et gratia tua ita nos corrobora, ut innocentia vitæ,
et fidei usque ad mortem constantia, sanctum Nomen tuum
glorificemus.
Per Jesum Christum Dominum nostrum. Amen.
Lectio pro Epistola.
Apoc. xiv. 1.
VIDI :
et ecce Agnus stabat supra montem Sion,
et cum eo centum quadraginta quatuor millia,
habentes nomen eius, et nomen Patris ejus scriptum
in frontibus suis.
Et audivi vocem de coelo, tamquam vocem aquarum
multarum, et tamquam vocem tonitrui magni :
et vocem quam audivi, sicut citharoedorum citharizantium
in citharis suis.
Et cantabant quasi canticum novum ante sedem,
et ante quatuor animalia, et seniores : et nemo poterat
dicere canticum, nisi illa centum quadraginta quatuor
millia qui empti sunt de terra.
Hi sunt qui cum mulieribus non sunt coinquinati :
virgines enim sunt. Hi sequuntur Agnum quocumque
ierit. Hi empti sunt ex hominibus primitiae Deo,
et Agno : et in ore eorum non est inventum mendacium :
sine macula sunt ante thronum Dei.
Evangelium.
S. Matt. ii. 13.
Dominica infra Octavam Nativitatis Domini.
Oratio.
OMNIPOTENS Deus,
qui unigenitum Filium tuum nobis dedisti, ut nostram
naturam assumeret, et hoc tempore de pura Virgine nasceretur :
Præsta, quæsumus, ut nos regenerati,
filiique tui per adoptionem et gratiam facti, Spiritu
Sancto tuo quotidie renovemur.
Per eundem Dominum nostrum Jesum Christum, qui tecum
vivit et regnat in unitate Spiritus Sancti Deus,
per omnia sæcula sæculorum. Amen.
Epistola.
Ad Gal. iv. 1.
Evangelium.
S. Matt. i. 18.
Epiphania,
SIVE CHRISTI CORAM GENTIBUS MANIFESTATIO.
Oratio.
DEUS,
qui unigenitum Filium tuum Gentibus stella duce
revelasti : Concede propitius, ut qui te jam
ex fide cognovimus, tua gloriosa Deitate post
hanc vitam perfruamur.
Per eundem Jesum Christum Dominum nostrum. Amen.
Epistola.
Ad Ephes. iii. 1.
Evangelium.
S. Matt. ii. 1.
PRIMUS DIES QUADRAGESIMÆ, VULGO VOCATUS
Feria IV. Cinerum.
Oratio.
OMNIPOTENS
æterne Deus, qui nihil odisti eorum quæ
fecisti, et omnibus poenitentibus peccata dimittis :
Crea in nobis cor novum et contritum, ut digne
peccata nostra deflentes, et iniquitates nostras
cognoscentes, a te Deo omnis misericordiæ
perfectam peccatorum remissionem consequamur.
Per Jesum Christum Dominum nostrum. Amen.
Lectio pro Epistola.
Joel. ii. 12.
Evangelium.
S. Matt. vi. 16.
Dominica Proxima ante Pascha.
Oratio.
OMNIPOTENS
sempiterne Deus, qui humano generi ad imitandum
humilitatis exemplum, Filium tuum Salvatorem nostrum
Jesum Christum carnem assumere, et crucem subire fecisti ;
Conceded propitius, ut et patientiæ ipsius
habere documenta, et resurrectionis consortia mereamur.
Per eundem Jesum Christum Dominum nostrum. Amen.
Epistola.
Ad Philip. ii. 5.
Evangelium.
S. Matt. xxvii. 1.
In Die Sancto Paschæ.
Ad Matutinas, loco
Psalmi Venite, exsultemus, &c.
dicantur aut cantetur Antiphonæ sequentes.
PASCHA nostrum
immolatus est Christus : itaque epulemur ; Non in
fermento veteri, neque in fermento malitiæ
et nequitiæ : sed in azymis sinceritatis et veritatis.
1 Cor. v. 7.
CHRISTUS
resurgens ex mortuis jam non moritur : mors
illi ultra non dominabitur. Quod enim mortuus
est peccato, mortuus est semel : quod autem vivit,
vivit Deo. Ita et vos existimate vos mortuos
quidem esse peccato : viventes autem Deo, in Christo
Jesu Domino nostro.
Rom. vi. 9.
CHRISTUS
resurrexit a mortuis : primitiæ dormientium.
Quoniam quidem per hominem mors : et oer hominem
resurrectio mortuorum. Et sicut in Adam omnes moriuntur :
ita et in Christo omnes vivificabuntur.
1 Cor. xv. 20.
Gloria Patri, et Filio : et Spiritui Sancto ;
Resp. Sicut erat in principio,
et nunc, et semper : et in sæcula sæculorum.
Amen.
Oratio.
OMNIPOTENS
æterne Deus, qui nihil odisti eorum quæ
fecisti, et omnibus poenitentibus peccata dimittis :
Crea in nobis cor novum et contritum, ut digne
peccata nostra deflentes, et iniquitates nostras
cognoscentes, a te Deo omnis misericordiæ
perfectam peccatorum remissionem consequamur.
Per Jesum Christum Dominum nostrum. Amen.
Epistola.
Ad Coloss. iii. 1.
Evangelium.
S. Joan. xx. 1.
In Die Ascensionis.
Oratio.
CONCEDE
quæsumus, omnipotens Deus, ut qui Unigenitum
tuum DOminum nostrum Jesum Christum ad coelos
ascendamus, et cum illo perpetuo habitemus, qui
tecum vivit et regnat in unitate Spiritus Sancti
Deus, per omnia sæcula sæculorum. Amen.
Lectio pro Epistola.
Act. i. 1.
Evangelium.
S. Marc. xvi. 14.
Jesus recumbentibus illis undecim apparuit : et exprobravit
incredulitatem eorum et duritiam cordis : quia iis, qui
viderant eum resurrexisse, non crediderunt. Et dixit eis :
Euntes in mundum universum, prædicate evangelium omni
creaturæ. Qui crediderit, et baptizatus fuerit,
salvus erit : qui vero non crediderit, condemnabitur.
Signa autem eos, qui crediderint, hæc sequentur :In
nomine meo dæmonia ejicient : linguis loquentur novis
: serpentes tollent : et si mortiferum quid biberint,
non eis nocebit : super ægros manus imponent, et bene
habebunt. Et Dominus quidem Jesus, postquam locutus est
eis, assumptus est in coelum, et sedit a dexteris Dei.
Illi autem profecti prædicaverunt ubique, Domino
cooperante, et sermonem confirmante, sequentibus signis.
In Die Pentecostes.
Oratio.
DEUS,
qui hoc tempore corda fidelium Sancti Spiritus
illustratione docuisti; Da nobis in eodem Spiritu
de omnibus recta sapere, et de ejus semper sancta
consolatione gaudere. Per merita Salvatoris
nostri Jesu Christi, qui tecum vivit et regnat in
unitate ejusdem Spiritus Sancti Deus, per omnia
sæcula sæculorum. Amen.
Lectio pro Epistola.
Act. ii. 1.
Evangelium.
S. Joan. xiv. 15.
Dominica Trinitatis.
Oratio.
OMNIPOTENS
sempiterne Deus, qui gratia tua dedisti nobis famulis
tuis in confessione veræ fidei æternæ
Trinitatis gloriam agnoscere, et in potentia
Divinæ Majestatis adorare Unitatem;
Quæsumus, ut nos in eadem fide confirmes, et
ab omnibus semper munias adversis, qui vivis et regnas
Deus, per omnia sæcula sæculorum.
Amen.
Lectio pro Epistola.
Apoc. iv. 1.
Evangelium.
S. Joan. iii. 1.
Dominica Vicesima Quinta post Trinitatem.
Oratio.
EXCITA,
quæsumus, Domine, tuorum fidelium voluntates ;
ut, divini operis fructum propensius exsequentes,
pietatis tuæ præmia majora percipiant.
Per Jesum Christum Dominum nostrum. Amen.
Lectio pro Epistola.
Jerem. xxiii. 5.
Evangelium.
S. Joan. vi. 5.
Si plures sint Dominicæ ante Dominicam Adventus,
resumantur officia aliquarum ex eis Dominicis quæ
superfuerunt post Epiphaniam, ut quod hic desit suppleatur.
Sin pauciores, ommittatur quod supersit : dummodo
hæc proxima Oratio, Epistola, et Evangelium,
in proxima Dominica ante Adventum semper recitentur.
In Die Sancti Andreae.
Oratio.
OMNIPOTENS
Deus, qui beato Andreæ Apostolo tuo tantam
gratiam dedisti, ut a Filio tuo Jesu Christo vocatus
eum sine mora sequi non dubitarit ; Tribue omnibus
nobis, ut per Verbum tuum sanctum vocati, ad sancta
mandata tua implenda nosmetipsos continuo tradamus.
Per eundem Jesum Christum Dominum nostrum.
Amen.
Epistola.
Ad Rom. x. 9.
Evangelium.
S. Matt. iv. 18.
In Annuntiatione Beatæ Mariæ Virginis.
Oratio.
GRATIAM
tuam, quæsumus, Domine, mentibus nostris infunde;
ut qui, angelo nuntiante, Jesu Christi Filii
tui incarnationem cognovimus, per passionem ejus
et crucem ad resurrectionis gloriam
perducamur.
Per eundem Jesum Christum Dominum nostrum.
Amen.
Lectio pro Epistola.
Isaiæ. vii. 10.
ET adjecit
Dominus loqui ad Ahaz, dicens : Pete tibi signum a
Domino Deo tuo in profundum inferni, sive in
excelsum supra. Et dixit Ahaz ; Non petam, et non
tentabo Dominum. Et dixit : Audite ergo, domus
David : Numquid parum vobis est, molestos esse
hominibus, quia molesti estis et Deo meo?
Propter hoc dabit Dominus ipse vobis signum. Ecce
Virgo concipiet, et pariet filium, et vocabitur
nomen ejus Emmanuhel. Butyrum et mel comedet, ut
sciat reprobare malum, et eligere bonum.
Evangelium.
S. Lucæ. i. 26.
IN mense
autem sexto missus est angelus Gabriel a Deo in
civitatem Galilææ, cui nomen
Nazareth, ad Virginem desponsatam viro, cui
nomen erat Joseph, de domo David, et nomen
Virginis Maria. Et ingressus angelus ad eam
dixit : Ave gratia plena : Dominus tecum :
benedicta tu in mulieribus. Quæ cum
audisset, turbata est in sermone ejus, et
cogitabat qualis esset ista salutatio. Et ait
angelus ei : Ne timeas, Maria, invenisti enim
gratiam apud Deum : ecce concipies in utero, et
paries Filium, et vocabis nomen ejus JESUM. Hic
erit magnus, et Filius Altissimi vocabitur, et
dabit illi Dominus Deus sedem David patris ejus :
et regnabit in domo Jacob in æternum, et
regni ejus non erit finis. Dixit autem Maria ad
Angelum : Quomodo fiet istud, quoniam virum non
cognosco? Et respondens angelus dixit ei :
Spiritus Sanctus superveniet in te, et virtus
Altissimi obumbrabit tibi. Ideoque et quod
nascetur ex te sanctum vocabitur Filius Dei. Et
ecce Elisabeth cognata tua, et ipsa concepit
filium in senectute sua ; et hic mensis est
sextus est illi, quæ vocatur sterilis :
quia non erit inpossibile apud Deum omne verbum.
Dixit autem Maria : Ecce ancilla Domini, fiat
mihi secundum verbum tuum. Et discessit ab illa
angelus.
In Die Sancti Matthæi Apostoli.
Oratio.
OMNIPOTENS
Deus, qui per benedictum Filium tuum vocasti
Matthæum, ut ex publicano Apostolus fieret et
Evangelista; Da nobis gratiam ut studium pecuniæ
et opum amorem inordinatum relinquamus, et sequamur
eundem Filium tuum Jesum Christum, qui tecum vivit
et regnat, in unitate Spiritus Sancti Deus, per
omnia sæcula sæculorum.
Amen.
Epistola.
2 Ad Cor. iv. 1.
Evangelium.
S. Matt. ix. 9.
In Die Sancti Michaelis et omnium Angelorum.
Oratio.
ÆTERNE
Deus, qui miro ordine Angelorum ministeria hominumque
dispensas; Concede propitius, ut quibus tibi
ministrantibus in coelo semper assistitur, ab his
in terra vita nostra muniatur.
Per Jesum Christum Dominum nostrum.
Amen.
Lectio pro Epistola.
Apoc. xii. 7.
Evangelium.
S. Matt. xviii. 1.
In Die Sancti Lucæ Evangelistæ.
Oratio.
OMNIPOTENS
Deus, qui Lucam medicum, cujus laus est in Evangelio,
ad te vocasti, ut factus Evangelista animarum quoque
curam susciperet; Præsta, quæsumus, ut
salubribus ejus doctrinæ medicinis, omnes
animarum nostrarum morbi sanentur.
Per merita Filii tui Jesu Christi Domini nostri.
Amen.
Epistola.
2 Ad Tim. iv. 5.
Evangelium.
S. Lucæ. x. 1.
In Die Sanctorum Simonis et Judæ, Apostolorum.
Oratio.
OMNIPOTENS
Deus, qui Ecclesiam tuam super fundamentum
Prophetarum et Apostolorum, in ipso summo angulari
lapide, Christo Jesu, ædificasti; Da nobis
ita per eorum doctrinam in unitate Spiritus conjugi,
ut sanctum templum tibi acceptum efficiamur.
Per eundem Jesum Christum Dominum nostrum.
Amen.
Epistola.
S. Judæ. 1.
Evangelium.
S. Joan. xv. 17.
In Die omnium Sanctorum.
Oratio.
OMNIPOTENS
Deus, qui conjunxisti electos tuos in una communione
et societate mystici corporis Filii tui Domini nostri
Jesu Christi ; Da nobis Sanctos tuos in omnibus
virtutibus et bonis operibus ita imitari, ut ad
ineffabile gaudium, quod præparasti iis
qui vere te diligunt, perveniamus.
Per eundem Jesum Christum Dominum nostrum.
Amen.
Lectio pro Epistola.
Apoc. vii. 2.
Evangelium.
S. Matt. v. 1.
|